ସବୁ ବାଇକର୍ସଙ୍କର ପ୍ରଥମ ପସନ୍ଦ ହାର୍ଲେ ଡେଭିଡସନ୍ ବାଇକ୍ । ଅଧିକାଂଶ ବାଇକର୍ସ ଚାହାଁନ୍ତି ଏହି ବାଇକ୍ ଚଢିବାକୁ । ହେଲେ ଏହାର ଅତ୍ୟଧିକ ପ୍ରାଇସ ଯୋଗୁଁ ଅନେକଙ୍କ ପାଇଁ ଏହା ସ୍ୱପ୍ନ ହୋଇରହିଯାଏ । ଏପରିକ୍ଷେତ୍ରରେ ବାଇକର୍ସଙ୍କ ସ୍ୱପ୍ନ ପୂରଣ କରିବାକୁ ଭାରତୀୟ ବଜାରକୁ ଆସୁଛି ହାର୍ଲେର ନୂଆ ୩୫୦ସିସି ବାଇକ୍ । ସମଗ୍ର ବିଶ୍ୱରେ ବାଇକ୍ ମାର୍କେଟରେ ଦମ୍ ଦେଖାଉଛି ହାର୍ଲେ ଡେଭିଡସନ୍ । ଏବେ ୩୫୦ସିସି ବାଇକ୍ ସେଗମେଂଟରେ ଭାରତୀୟ ବାଇକ୍ ମାର୍କେଟରେ ନିଜର ଦମ୍ ଦେଖାଉଛି ରୟାଲ ଏନଫିଲ୍ଡ ବୁଲେଟ୍ । ବୁଲେଟର ଅନେକ ସେଗମେଂଟର ବାଇକ ଏବେ ଭାରତୀୟ ବଜାରରେ ରାଜ୍ କରୁଛି ।
ଅଧିକ ପଢନ୍ତୁ
ଖାସ୍ ଏଥିପାଇଁ ବୁଲେଟକୁ ଟକ୍କର ଦେବାକୁ ଏବେ ଲଂଚ୍ ହୋଇଛି ହାର୍ଲେ ଡେଭିଡସନର ସବୁଠାରୁ ଶସ୍ତା ବାଇକ୍ । ଆମେରିକାର ଏହି ବାଇକ୍ ନିର୍ମାତା ଚୀନର କିୟାନଜିୟାଙ୍ଗ କମ୍ପାନୀ ସହ ମିଶି ଏହାକୁ ଅତ୍ୟାଧୁନୀକ ଭର୍ସନରେ ପ୍ରସ୍ତୁତ କରିଥିବା କହିଛି କମ୍ପାନୀ । ପ୍ରଥମ ପର୍ଯ୍ୟାୟରେ ବଜାରକୁ ଆସୁଛି ହାର୍ଲେର ଏକ୍ସ-୩୫୦ ଓ ଏକ୍ସ-୫୦୦ ବାଇକ୍ । ବାଇକଟି ଦେଖିବାକୁ ଯେତିକି ସୁନ୍ଦର ଏହାର ଅତ୍ୟାଧୁନୀକ ଟେକ୍ନୋଲୋଜି ମଧ୍ୟ ବାଇକର୍ସଙ୍କୁ ଦେବ ଜବରଦସ୍ତ ଥି୍ରଲ । ହାର୍ଲେର ଏକ୍ସ-୫୦୦ ମଡେଲରେ ଖଞ୍ଜାଯାଇଛି ୩୫୩ସିସିର ଇଞ୍ଜିନ୍ । ଏହାର ଓଜନ ୧୯୫କିଲୋଗ୍ରାମ ହୋଇଥିବା ବେଳେ ବାଇକଟିର ଟପ୍ ସ୍ପିଡ୍ ରହିଛି ୧୪୩ କିଲୋମିଟର । ଅର୍ଥାତ୍ ବାଇକଟି ଘଂଟାପ୍ରତି ୧୪୩କିଲୋମିଟର ବେଗରେ ଗତିକରିପାରିବ ବୋଲି ଦାବି କରିଛି କମ୍ପାନୀ ।
ଆହୁରି ପଢନ୍ତୁ
