କ୍ଲାସରୁମରୁ ହଟିବ ବ୍ଲାକବୋର୍ଡ

ଶିକ୍ଷା ବ୍ୟବସ୍ଥାରେ ହୋଇଛି ବଡ଼ ପରିବର୍ତନ । ବଦଳିଛି ପାଠପଢାଇବାର ଶୈଳୀ । ଏଣିକି ବିଭିନ୍ନ ସ୍କୁଲର କ୍ଲାସରୁମରୁ ହଟିବ ବ୍ଲାକବୋର୍ଡ । ପିଲାମାନଙ୍କୁ ପାଠ ପଢାଇବା ଆହୁରି ସହଜ କରିବା ଉପରେ ଜୋର ଦିଆଯାଇଛି । ସ୍କୁଲ ସଂସ୍କୃତିରେ ପରିବର୍ତନ କରାଗଲେ ହିଁ ପିଲାମାନେ ସହଜରେ ଓ ସୁବିଧାରେ ଶିକ୍ଷାଗ୍ରହଣ କରିପାରିବେ ।

ଅଧିକ ପଢନ୍ତୁ

ଖାସ୍ ଏଥିପାଇଁ ନ୍ୟାସନାଲ କରିକୁଲମ ଫ୍ରେମୱାର୍କ ବା ଏନସିଏଫର ପରାମର୍ଶକ୍ରମେ ଏବେ ସ୍କୁଲ ଶିକ୍ଷାରେ ଅନେକ ପରିବର୍ତନ କରାଯାଇପାରେ । ପରାମର୍ଶରେ କୁହାଯାଇଛି, ଯଦି ପିଲାମାନେ ସବୁବେଳେ କଳାପଟା ଆଡକୁ ମୁହଁ କରିବସିବେ, ତେବେ ପିଲାଙ୍କ ମନରେ ଗୋଟିଏ ଧାରଣା ରହିବ । ଛାତ୍ରଛାତ୍ରୀ ଭାବିବେ ସେମାନଙ୍କ ଶିଖିବାର ସ୍ରୋତ କେବଳ କଳାପଟା ଓ ଶିକ୍ଷକ । ହେଲେ ପିଲାମାନେ ଯଦି ଏକତ୍ରିତ ହୋଇ ପାଠପଢିବେ ତେବେ ସେମାନଙ୍କ ମଧ୍ୟରେ ଶିଖିବାର ଆଗ୍ରହ ବୃଦ୍ଧି ପାଇବ ବୋଲି କୁହାଯାଇଛି ।

ଆହୁରି ପଢନ୍ତୁ

ଏହାଦ୍ୱାରା ପିଲାମାନେ ନିଜ ନିଜର ସାଙ୍ଗସାଥୀଙ୍କ ସହ ଆଲୋଚନା କରି ଅନେକ ଜଟିଳ ପ୍ରଶ୍ନର ସମାଧାନ କରିପାରିବେ ବୋଲି ଶିକ୍ଷାବିତ୍ କହୁଛନ୍ତି । ସେହିପରି ଏବେ ବି ସ୍କୁଲରେ ପାଠପଢୁଥିବା ପିଲାମାନଙ୍କୁ ଶିକ୍ଷକମାନେ ଆଗ ବେଞ୍ଚରେ ବସାଇଥାଆନ୍ତି । ଫଳରେ ଶିକ୍ଷକମାନଙ୍କର ନଜର ପ୍ରଥମ ବେଞ୍ଚର ପିଲାଙ୍କ ଉପରେ ପଡିଥାଏ । ହେଲେ ଯଦି ଏକତ୍ରିତ ଭାବେ ବସି ପିଲାଙ୍କୁ ଶିକ୍ଷା ଦିଆଯାଏ ତେବେ ଶିକ୍ଷକଙ୍କ ନଜର ସବୁ ପିଲାଙ୍କ ଉପରେ ରହିବ ବୋଲି ଏନସିଏଫ୍ ପକ୍ଷରୁ ପରାମର୍ଶ ଦିଆଯାଇଛି ।