ଓଡିଶା-ଆନ୍ଧ୍ର ସୀମାନ୍ତ ଶ୍ରୀକାକୁଲମରେ ପୁଣି ଦେଖିବାକୁ ମିଳିଛି ହାତୀ ମୃତ୍ୟୁ । ଗୋଟିଏ କିମ୍ବା ୨ଟି ନୁହେଁ ଏକାସାଙ୍ଗରେ ୪ଟି ହାତୀଙ୍କ ମୃତଦେହ ଠାବ କରାଯାଇଛି । ବର୍ତ୍ତମାନ ସୁଦ୍ଧା ମୃତ୍ୟୁର କାରଣ ସ୍ପଷ୍ଟ ହୋଇନାହିଁ । ବିଦ୍ୟୁତ ଟ୍ରାନ୍ସଫର୍ମର ନିକଟରେ ମୃତଦେହ ପଡିଥିବା କାରଣରୁ ବିଦ୍ୟୁତ ଆଘାତରେ ସେମାନଙ୍କ ମୃତ୍ୟୁ ହୋଇଥିବା ସନ୍ଦେହ କରାଯାଇଛି ।
ସୂଚନାଯୋଗ୍ୟ ଓଡିଶା ଗୁଣପୁର ଅଞ୍ଚଳରେ ବୁଲୁଥିବା ୬ ଟିକିଆ ହାତୀପଲ ଆନ୍ଧ୍ର ପ୍ରଦେଶକୁ ଯାଉଥିଲେ । କିନ୍ତୁ ସୀମାପାର ସମୟରେ ବିଦ୍ୟୁତ ଟ୍ରାନ୍ସଫର୍ମରେ ଆଘାତ ଲାଗି, ସେମାନଙ୍କ ମଧ୍ୟରୁ ୪ ଜଣଙ୍କ ମୃତ୍ୟୁ ଘଟିଛି । ଘଟଣାସ୍ଥଳରେ ବନ ବିଭାଗ ପହଞ୍ଚି ତଦନ୍ତ ଆରମ୍ଭ କରିଛି । ମୃତ ହାତୀଙ୍କ ମଧ୍ୟରେ ୨ଟି ମାଇ ଓ ୨ଟି ଅଣ୍ଡିରା ହାତୀ ଥିବାର ଜଣାପଡିଛି ।
