ଏପ୍ରିଲ ୧୦ ତାରିଖରୁ +୨ ଖାତା ଦେଖା ଆରମ୍ଭ: ଜୁନ ସୁଦ୍ଧା ରେଜଲ୍ଟ ପ୍ରକାଶ

ଏପ୍ରିଲ ୧୦ ତାରିଖରୁ ଆରମ୍ଭ ହେବ +୨ ପିଲାଙ୍କ ପରୀକ୍ଷା ଖାତା ମୂଲ୍ୟାୟନ । ୨ଟି ପର୍ଯ୍ୟାୟରେ ଉଭୟ ଅନ୍‌ଲାଇନ୍ ଓ ଅଫ୍‌ଲାଇନ୍ ମାଧ୍ୟମରେ ହେବ ଖାତା ଦେଖା । ଖାତା ମୂଲ୍ୟାୟନ ସମ୍ପର୍କରେ ଉଚ୍ଚ ମାଧ୍ୟମିକ ଶିକ୍ଷା ପରିଷଦ ପକ୍ଷରୁ ସୂଚନା ଦିଆଯାଇଛି । ପରୀକ୍ଷା ଖାତା ମୂଲ୍ୟାୟନ ନିମନ୍ତେ ୬୫ଟି ଅଫ୍‌ଲାଇନ ଜୋନ କରାଯାଇଥିବା ବେଳେ, ୩୯ଟି ଅନ୍‌ଲାଇନ୍ ଜୋନ ହୋଇଛି ।

ସୂଚନାଯୋଗ୍ୟ ପ୍ରଥମ ପର୍ଯ୍ୟାୟ ଅନ୍‌ଲାଇନ ମୂଲ୍ୟାୟନ ସରିବା ପରେ ଦ୍ୱିତୀୟ ପର୍ଯ୍ୟାୟରେ ଅଫ୍‌ଲାଇନ୍‌ରେ ମୂଲ୍ୟାୟନ କରାଯିବ । ସମସ୍ତ ଖାତାର ମୂଲ୍ୟାୟନ ମେ ମାସ ୭ ତାରିଖ ମଧ୍ୟରେ ସାରିବାକୁ ଲକ୍ଷ୍ୟ ରଖାଯାଇଛି । ଯୁକ୍ତ ୨ ବିଜ୍ଞାନ ଓ ବାଣିଜ୍ୟ ପରୀକ୍ଷା ଫଳ ମେ ୩୧ ତାରିଖ ସୁଦ୍ଧା ପ୍ରକାଶ କରିବାକୁ ଯୋଜନା ରଖାଯାଇଥିବା ବେଳେ, କଳା ଓ ଧନ୍ଦାମୂଳକ ପରୀକ୍ଷା ଫଳ ଜୁନ୍ ମାସ ପ୍ରଥମ ସପ୍ତାହରେ ପ୍ରକାଶ କରିବାକୁ ଯୋଜନା ହୋଇଛି ।