ଜନତାଙ୍କ ଉପରେ ଏୟାର ଷ୍ଟ୍ରାଇକ୍ କଲେ ସରକାର

ନିଜ ଦେଶର ନିରୀହ ସାଧାରଣ ଲୋକଙ୍କ ଉପରେ ଏୟାର ଷ୍ଟ୍ରାଇକ୍ କରିଛି ମିଆଁମାର । ମିଆଁମାର ସେନା ସୈନ୍ୟ ଶାସନ ବିରୋଧରେ ଏକ କାର୍ଯ୍ୟକ୍ରମରେ ଏକାଠି ହୋଇଥିବା ସାଧାରଣ ନାଗରିକଙ୍କ ଉପରେ ଆଖିବୁଜା ଗୁଳି ଓ ବୋମାମାଡ଼ କରିଛି । ଆକ୍ରମଣରେ ଅନେକ ଶିଶୁଙ୍କ ଜୀବନ ଯାଇଥିବା ବେଳେ ଶହେରୁ ଅଧିକ ଲୋକଙ୍କ ମୃତ୍ୟୁ ହୋଇଛି । ସାଧାରଣ ନାଗରିକଙ୍କ ଉପରେ ମିଆଁମାର ସେନାର ଏଭଳି ବର୍ବରତାକୁ ମିଳିତ ଜାତିସଂଘ ନିନ୍ଦା କରିଛି ।

ଅଧିକ ପଢନ୍ତୁ

ଆହୁରି ପଢନ୍ତୁ

ଜାତିସଂଘ ମାନବାଧିକାର କମିଶନର ବୋକ୍ଲୋର ତୁର୍କ ଏକ ବୟାନ ଜାରି କରି ଏହି ଘଟଣାକୁ ନିନ୍ଦା କରିଛନ୍ତି । କମିଶନ କହିଛନ୍ତି, ଆକାଶ ମାର୍ଗରୁ ଆକ୍ରମଣର ଏହି ଖବର ଅତ୍ୟନ୍ତ ଚିନ୍ତାଜନକ । ସେ କହିଛନ୍ତି, ଯେଉଁ କାର୍ଯ୍ୟକ୍ରମ ଉପରେ ମିଆଁମାର ସେନା ହେଲିକପ୍ଟରରୁ ବୋମା ମାଡ଼ କରିଛଇ, ସେଠାରେ ସ୍କୁଲ ଛାତ୍ରଛାତ୍ରୀ ନୃତ୍ୟ ପ୍ରଦର୍ଶନ କରୁଥିଲେ ଏବଂ ସମାରୋହରେ ଉପସ୍ଥିତ ଥିଲେ ।

ସ୍ଥାନୀୟ ମିଡ଼ିଆ ରିପୋର୍ଟ ମୁତାବକ ଆକାଶ ମାର୍ଗରୁ ଆକ୍ରମଣରେ ସୈନ୍ୟ ଶାସନ ବିରୋଧୀ ଗୋଷ୍ଠୀ ନ୍ୟାସନାଲ ୟୁନିଟ୍ ଗଭର୍ଣ୍ଣମେଣ୍ଟ୍ ର କାର୍ଯ୍ୟାଳୟ ଧ୍ୱଂସ ହୋଇଛି । ଏହାସହ ବୋମା ମା’ ସମୟରେ ମହିଳା ଓ ଶିଶୁଙ୍କ ସହ ୧୫୦ରୁ ଅଧିକ ଲୋକ ଉପସ୍ଥିତ ଥିଲେ । ମୃତକଙ୍କ ମଧ୍‌ୟରେ ସୈନ୍ୟ ଶାସନ ବିରୋଧୀ ସଶସ୍ତ୍ର ସଙ୍ଗଠନର ନେତା ମଧ୍ୟ ସାମିଲ ଅଛନ୍ତି ।